Сулар! — күпме яшьләр түктем сезгә карап... Акты-китте еллар ярык ялгашлардан, — Юшкын гына калды сөю, ялгышлардан... Утыра таллар оеп, алтын чәчен тарап. Җилләр! — сагышымны җилләр җилгәрделәр. Мамык коя тупыл — уйный җәйге буран. Бары да элеккечә: капка төбе, урам... Җилгә язып хатлар, хатлар жибәрделәр. Җирем! — табанымның эзен яшерегез! — Тик каплагыз аны яшел чирәм белән. Мин китәрмен бер кен... Бәлки, бүген китәм. Җилдә, Җирдә, Суда — сүнми Сөю!.. Сүнми, кичерегез...